Ojbarasta!!

Drekkur fólk ennþá þennan viðbjóð? æi ég get nú kannski ekki mikið sagt... það er nú ekki það langt síðan ég fékk mér landabollu í afmæli, bollan var góð og ávextirnir ennþá betri 

Þegar ég var unglingur var landadrykkja alveg ótrúlega töff... kannski aðalega því þetta var eina áfengið sem við höfðum efni á. Það vildi svo heppilega til að ég var barnapía hjá landasala og fékk því oftast borgað í landa og ef maður var blankur þá var hægt að kaupa hálfan-hálfan, semsagt 250ml af landa á 375krónur Auðvitað var þetta bragðvondur og ógeðslegur landi og til að bragðbæta hann var hann blandaður í Freska og kannski smá brjóstsykur út í... ég get enn þann dag í dag ekki drukkið Freska því mér finnst svo mikið landabragð af því 

Vonandi er landasala í undanhaldi... mér finnst hún að minnsta kosti ekki eins áberandi og fyrir 10 árum

Bruggari handtekinn á Suðurlandi

Athugasemdir

[Jóhannes Ragnarsson, 5.9.2007 kl. 14:07]

Hvernig í andskotanum datt þér í hug að eyðileggja landann með því að hella freska út í hann? Þvílíkt og annað eins smekkleysi ...

[ViceRoy, 5.9.2007 kl. 14:38]

Verð nú að segja að þegar fyrir um tíu árum gerði maður þetta öðru hvoru að kaupa landa, alltaf af sama manninum, sem bruggaði allt annað en margur maðurinn hér í borg. Hann var með drykk sem var alltaf eins á bragðið, vel bruggað og bragðaðist eins og fínasti vodka. 

Það brugga ekki allir viðbjóð ;) 

[Jon Hrafn (IP-tala skráð) 5.9.2007 kl. 15:15]

Ég smakkaði landa á mínum yngri árum og varð aldrei meint af. Maður blandaði þetta bara í eitthvað bragðbetra, mun ódýrari en vodkinn. En maður keypti nú líka alltaf af fólki sem maður kannaðist við, datt ekki í hug að smakka þetta frá einhverjum sem ég ekki þekkti.
Svo er þetta víst enn notað í stórar veislur, þ.e.a.s. landinn er notaður í partý-bollur. Vodkinn er alltof dýr í það fyrir unga námsmenn...

Spurning um að lækka bara verðið á vodkanum til að minnka landasöluna? hehe... 

[Sardinan, 5.9.2007 kl. 18:28]

Ég fór á eitt landafyllerí hér í eldgamla daga. Varð alveg hrikalega veik og lagði ekki í annað. Hinsvegar þá sullaði maður gjarnan í íslensku brennivíni því það var svo ódýrt. En mikið $%$#% var það vont.

[Páll Jónsson (IP-tala skráð) 5.9.2007 kl. 19:35]

Helvítis væl er þetta... ef maðurinn er að selja unglingum eitthvað glundur þá er þetta skiljanlegt, en 2 lítrar landa? Æ í Seifs bænum, sláið á puttana á manninum og kallið þetta gott.