Sorglegt!

Úff hvað ég er fegin að vera ekki lengur að vinna þarna 

Þó það hafi nú stundum verið gaman... þá sérstaklega á næturvöktum með stelpunum Þarna kynntist ég mjög góðum vinkonum mínum og þegar ég var í fæðingarorlofi þá var fínt að taka eina og eina kvöldvakt í humrinum... aðeins að komast út og spjalla við fullorðið fólk 

 

Tæplega 60 starfsmönnum Humarvinnslunnar á Þorlákshöfn sagt upp

Nýji bíllinn minn!

Helgin

Ég var eiginlega búin að gleyma því að ég er með bloggsíðu

Helgin var æðisleg, löng helgi svo við fórum suður á fimmtudaginn og heim aftur á mánudaginn 

Aðalástæðan fyrir suður-ferðinni var að sjálfsögðu mega partý hjá henni Sæunni fjarnema sem var haldið á föstudagskvöldið á gamla hervellinum Skemmtilegt að segja frá því að þegar við mætum þá kemst það upp að Sæunn og Eiríkur minn voru saman í bekk í gamla daga Að sjálfsögðu er ég búin að lofa Guðbjörgu að finna gamlar bekkjarmyndir af Sæunni. Svo getur Guðbjörg líka líka fegnið að sjá myndir af Hafsteini sem mér skilst að Sæunn hafi verið skotin í

Á laugardagskvöldinu var okkur boðið í mat hjá henni Veigu minni og fjölskyldu Rosalega góður matur, æðislegur félagskapur, góðir drykkir og æsispennandi borðspil, blanda sem að getur ekki klikkað 

Ég náði að hitta næstum alla um helgina, mismikið þó... hefði þurft nokkra daga í viðbót Ferðin heim var ekki alveg jafn skemmtileg því það var snjókoma og litla bílaleigu dósin var á sumardekkjum en við komumst heim á endanum og vonandi erum við að fara að kaupa almennilegan bíl á eftir

Jæja þá er mínu vikulega bloggi lokið, vona að Guðbjörg hætti þessu tuði svo ég geti gleymt þessari blessuðu bloggsíðu minni

 

Helgin

Hún byrjaði með flugeldum en endaði með rólegheitum

Á föstudaginn var vísindaferð og við fengum að kynnast starfsemi Deloitte á meðan við svöluðum þorstanum með bjór og léttvíni 

síðan var ferðinni heiti á Dátann þar sem við fórum í Pub Quiz sem var mjög skemmtilegt þótt það hafi ekki gengið alveg nógu vel 

og þaðan á leiðin á café Amour þar sem ég Rakel Anna var hressasta manneskjan á svæðinu Því miður var hún með myndavélina á lofti og ég vona að ég fái aldrei að sjá þær myndir... nema kannski eina sem var tekin af mér, Rakel og hinum eina sanna Jónsa 

ég ákvað samt að fara snemma heim en það var sko alls ekki vegna þess að ég var búin að drekka of mikið Vona samt að ég hafi ekki móðgað neinn og ekki gert mig að of miklu fífli

Laugardagurinn var rólegur og sunnudagurinn ennþá rólegri ég er að safna orku fyrir næstu helgar því ég held þær verði annsi blautar 

 

Sorglegt!

Fyrir mörgum árum þá var ég oft í Colin McRae rallýleik í playstation tölvunni hans Rúnars, einstaklega skemmtilegur leikur og líklega eina ástæðan fyrir því að ég veit hver þessi þekkti rallý ökumaður er.

Skoskur rallkappi fórst í þyrluslysi

Grey´s Anatomy

Er búið að stjórna lífi mínu síðustu daga!!

Helgin var róleg, BM Vallá grill á laugardag og á sunnudag fórum við í bíltúr í Skagafjörðinn til að heimsækja hann Tóta sem við fengum svo reyndar ekkert að hitta... hann var of upptekinn við að smala þetta var samt góð ferð því við hittum næstum alla aðra fjöldkyldumeðlimi Tóta

Dísa systir var svo góðhjörtuð að senda Tóta með seríu 2 af Grey´s norður og alveg síðan ég fékk diskana í hendurnar þá er ég bara búin að liggja og sökkva mér í vandræði Meredith og McDreamy ég á bara 8 þætti eftir og ég veit ekki hvað ég á að gera þegar þeir verða búnir... kannski læra? eða þvo þvott?

Ég byrjaði ekki að fylgjast með Grey´s fyrr en síðasta vor og því er ég að horfa á seríurnar 2 sem búnar eru áður en sú næsta byrjar

Sorglegt

Mér finnst þetta nú bara vera sorgleg tilraun hjá greyið stelpunni, ekkert heillandi við hana 

Og alveg ótrúlegt að maður sé svo rosalega forvitinn að maður lesi fréttir af misheppnuðum tilraunum hennar til að öðlast löngu glataða frægð 

Og að lokum þá held ég að það séu meiri möguleiki fyrir hana að öðlast smá virðingu hjá fólki ef hún myndi klæða sig í aðeins efnismeiri föt... ég er ekki tepra en mér finnst þetta samt fullgróft

Britney Spears vakti litla lukku á MTV-verðlaununum

Prik frá mér

Samskip fær stórt prik frá mér fyrir að vera með barnaherbergi!! Af þessu má áætla að Samskip séu með góða og mótaða starfsmanna/ fjölskyldustefnu  

Börnunum sem koma með foreldrunum í vinnuna fjölgar

Mín skoðun

Magga Ö bloggaði um þessa frétt og skoðun hennar var sú að það ætti að hætta að busa nýnema. 

Persónulega finnst mér ekkert að því að busa nýnema! ég man vel eftir því þegar ég var busuð og eins og tíðkast þá vorum við látin éta eitthvað ógeð. Sem virkilega klígjugjörn manneskja var ég næstum búin að æla á sviðið í sal Fjölbrautaskóla Suðurlands og fékk því að sleppa við að borða ógeðið Ég hef líka trú á því að busaböðlarnir séu ekki svo grimmir að þeir bókstaflega píni ógeðið ofan í fólk... ég að minnsta kosti vona ekki Að mínu mati sem fyrverandi busa eru þessar busavígslur til að þjappa hópnum saman, það var til dæmis mjög algengt að busaeigendur buðu busum sínum í partý fyrir busaballið svona til að bæta fyrir alla niðurlæginguna sem busarnir voru látnir ganga í gegnum og þess vegna er það mín skoðun að það ætti alls ekki að hætta með busavígslur... þær eru partur af programmet og ef rétt er staðið að hlutunum þá er þetta skemmtileg leið til að bjóða nýnema velkomna í hópinn

Busaböðlar í miðborginni

House

Jibbý þættirnir með House eru byrjaðir aftur Mér finnst þetta snilldar þættir og þó ég muni nú ekki hvað aðaleikarinn heitir þá hef ég haldið upp á hann síðan hann lék í einhverjum grínþáttum, sem ég man ekki hvað heita, fyrir mörgum mörgum árum. Getur kannski einhver rifjað upp fyrir mig hvað þeir þættir hétu? Jeeves og Woodhouse eða eitthvað svoleiðis minnir mig, þeir voru um breskan mann, House-leikarann, og einkaþjónin hans... rosalega fyndnir þættir

Annars á ég nú ekki að vera að hanga fyrir framan sjónvarpið, fyrsta litla prófið er um helgina og ég er alls ekki búin að læra nógu mikið fyrir það En skólinn byrjar rosalega rólega sem er ágætt því ég er ekki einu sinni búin að ná að redda mér öllum bókunum 

Hárið fékk að fjúka í dag... loksins!! og svo mundi ég loksins eftir að panta tima fyrir Alrúnu í klippingu, það verður þá semsagt í annað sinn sem litla prinsessan fer í klippingu og mig er strax farið að kvíða fyrir

Jæja bara svona í lokin að minna hana Guðbjörgu á að drekka ekki meira kaffi í kvöld